မိူဝ်ႈၼႆႉတႄႉၵေႃႈ ၶႃးႁဝ်းမီးၶူဝ်းၽၢၵ်ႇတွၼ်ႈသေ တေမႃးၽၢၵ်ႇတွၼ်ႈထိုင်ပၼ်ၸိူဝ်းၵေႃႉၶဝ်
ၶႃႈယဝ်ႉ။ ၼႆႉတႄႉၵေႃးမၼ်းပဵၼ်လွင်ႈယႃႈယႃဢွၼ်ႇဢိတ်းဢွတ်းပွတ်းပႅတ်းဢၼ်လႆႈၵဵပ်းႁွမ်ဝႆႉတီႈ
ၵူၼ်းထဝ်ႈၶဝ်ၵမ်ႈၽွင်ႈလႄႈၼႂ်းၽိုၼ်ၼႂ်းပပ်ႉၵမ်ႈၽွင်ႈယဝ်ႉ။ ၵေႃႉၶဝ်မၢင်ၸိူဝ်းတႄႉၵေႃႈ"တေႁဵတ်း
သင်ၶွင်ၼင်ႇၸိူင်ႉၼႆ မၼ်းပဵၼ်မိူဝ်ႈပၢၼ်ၼၼ်ႉၵူၺ်း၊ ၵၢပ်ႈပၢၼ်မိူဝ်ႈလဵဝ်ပိူၼ်ႈဢမ်ႇၸႂ်ႉယဝ်ႉ"ၼႆတေ
ဝႃႈယူႇဢမ်ႇႁၢင်ႉ၊ ၵူၺ်းၵႃႈၵူၼ်းတႆးႁဝ်းၵမ်ႈၽွင်ႈတိုၵ်ႉၸႂ်ႉတိုဝ်းယူႇလႄႈ ၶႃႈၵေႃႈဝူၼ်ႉဝႃႈမၼ်းတေမီး
ၽွၼ်းလီယူႇဢိတ်းဢီႈ ၼႆသေၸင်ႇလႆႈမႃးတွၼ်ႈပၼ်ယဝ်ႉ။
ၵေႃႉၶဝ်ၸိူဝ်းလူဝ်ႇၼၼ်ႉၵေႃႈတေလူမ်းယူႇ ၸိူဝ်းဢမ်ႇလူဝ်ႇၼၼ်ႉတႄႉၵေႃႈတေဢမ်ႇမီးတၢင်း
တိုဝ်းၵႃႈႁိုဝ်၊ မၼ်းၵေႃႈပဵၼ်ယႃႈယႃဢွၼ်ႇပိတ်းပွတ်းသေဢမ်ႇၶိုၵ်ႉဢမ်ႇၶၢႆးသင်မၢင်မဵဝ်းၵေႃႈပဵၼ်ယႃႈ
ယႃလီလူင်ၵႂႃႇတႄႉတႄႉ။
ၵမ်ႈၽွင်ႈၼႆႉ ပဵၼ်တႄႉပဵၼ်ဝႃႈလႆႈၵႂႃႇၶိုၼ်ႈႁူင်းယႃငိုၼ်းသဵင်ႁူဝ်မိုၼ်ႇႁူဝ်သႅၼ်မၼ်းတေႃႉတႄႉ
ၶႅၼ်းမႃးၵူၺ်း၊ ၽိူဝ်ႇမႃးၵိၼ်တူၺ်းယႃႈယႃဢွၼ်ႇတိပ်းတွပ်း ၵႃႇထႃႇဢွၼ်ႇပိတ်းပွတ်း ဢူင်းၽႂႃႉဢူင်းၽိ
သႂ်ႇၵေႃႈၸၢင်ႈဢဝ်ၶႅၼ်ႈၶိုၼ်းၼႆၵေႃႈလႆႈႁၼ်မႃးတႂ်ႈၼႃႈတႂ်ႈတႃယူႇ။
မၼ်းၵေႃႈယူႇတီႈဝႃႈ(ပေႃးယုမ်ႇၵေႃႈယမ်)ၸိူင်ႉၼင်ႇဝႃႈၼၼ်ႉၶႃႈၼႃႇၼေႃး၊ ၵျၢမ်းယႃႈယႃဢွၼ်ႇ
မၼ်းပိတ်းပွတ်းတႄႉ မီးတီႈတီႈၼႆႉၶႃႈၼႄႈ----------
1။ သင်ဝႃႈႁဝ်းတၢၵ်ႇလႅတ်ႇၼႃႇသေ လႆးတၢင်းပဵၼ်မႃးသေလွင်ႈလွင်ႈၼႆၸိုင် ယႃႈယႃမၼ်းတႄႉ---
ႁႂ်ႈၵိၼ်ပၼ်ၽၵ်းမီးၽိူၵ်ႇ(ၽၵ်းမီႇႁေႃ/ၽၵ်းႁေႃ)လႄႈတင်းၼမ်ႉထၢၼ်လေႃးၵၼ်ၼႆၶႃႈယဝ်ႉ။
ထႅင်ႈလၢႆးၼိုင်ႈတႄႉ ႁႂ်ႈၵိၼ်ပၼ်တႅင်ၼႆၶႃႈဢေႃႈ...။
2။ သင်ဝႃႈဢမ်ႇသၢင်ႇတေႃႇလႄႈၾႆးမႆႈသေပွင်းၵႂႃႇၸိုင် ယႃႈယႃမၼ်းတႄႉ----
ႁႂ်ႈၵိၼ်ပၼ်ၼမ်ႉမၢၵ်ႇဢုၼ်(မၢၵ်ႇပဝ်ႉ)ၼႆၶႃႈယဝ်ႉ။
3။ မၢင်ၵေႃႉၼႆ့ၵႆႉၵႆႉၼွၼ်းၼႃႇ ၶႃႈၵေႃႈပဵၼ်ယဝ်ႉ မၢင်ပွၵ်ႈမႃးၼွၼ်းပေႃးဢမ်ႇမီးမိူဝ်ႈဢိမ်ႇမၼ်းလႆႈ
သေပွၵ်ႈ သင်ဝႃႈပဵၼ်ၼၼ်သေ သမ်ႉလႆႈပဵၼ်ၵႂႃႇသေၸိူဝ်ႉသေပိူင်ၼႆၸိုင် ယႃႈယႃမၼ်းတႄႉ--
ႁႂ်ႈၵိၼ်ပၼ်ၼမ်ႉမၢၵ်ႇဢိုၼ်ႈလႄႈတင်းၼမ်ႉထၢၼ်ၵပ်းၵၼ်ၼႆၶႃႈယဝ်ႉ။
4။ ၵူၼ်းထဝ်ႈယိင်းမိူင်းႁဝ်းၼႆႉ ၵမ်ႈပႃႈၼမ်ၼႆၵႆႉလႄႇတူၵ်းၸႂ်ငၢႆႈၼႃႇ ပႃးၸဵမ်မႄႈႁိူၼ်းၶၢဝ်ႉမႄႈ
ႁိူၼ်းၼုမ်ႇၶဝ်ယဝ်ႉ၊ မၢင်ပွၵ်ႈမႃးသၢဝ်ၶဝ်ၵေႃႈယင်းပဵၼ်ၵွၼ်ႇ မၼ်းဢမ်ႇၵွမ်ႉဝႃႈၽူႈယိင်းၵူၺ်း
ၼင်ႇၵဝ်ႇပႃးၸဵမ်ၽူႈၸၢႆးယဝ်ႉ ၵမ်ႈၼမ်တႄႉၵေႃႈဢမ်ႇၽူႈယိင်းၼၼ်ႉယဝ်ႉဝႃႈ သင်ဝႃႈတူၵ်းၸႂ်
ငၢႆႈၼႃႇ ပိူၼ်ႈဢဵၵ်းဢိတ်းၼိုင်ႈၵူၺ်း ဢမ်ႇၼၼ်တိုၼ်ႇလိူၵ်ႇတိုၼ်ႇလၢၵ်ႇဢိတ်းၼိုင်ႈၵူၺ်း ၶဝ်
ပေႃးတၢၼ်ႇဝႃႈ ပဵၼ်သင်သေလူင်လူင်လၢင်လၢင်ယဝ်ႉ ပေႃးပဵၼ်ၸိူင်ႉၼႆၸိုင် ယႃႈယႃမၼ်းတႄႉ--
ႁႂ်ႈၵႆႉၵႆႉၵိၼ်ပၼ်မၢၵ်ႇၶေႃယႅၼ်ႈ(ၺူဝ်ႇ)ၼႆၵူၺ်းၼင်ႇၵဝ်ႇၶႃႈယဝ်ႉ။
5။ သင်ဝႃႈၸႂ်ၵႃႇမႁဝ်းပူၼ်ႉလိူဝ်ၼႃႇၸိုင် ယႃႈယႃမၼ်းတႄႉ---
ႁႂ်ႈၵႆႉၵႆႉၵိၼ်ပၼ်မၢၵ်ႇဢၢင်ၶၢင်မူၵ်းၾႆးသေသမ်ႉတင်းမၢၵ်ႇၽိတ်ႉလႄႈၽၵ်းမီးၽိူၵ်ႇသႃႈလေႃးၵိၼ်
သေၵိၼ်ၼႆၶႃႈယဝ်ႉ။
ၼႆႉတႄႉၵေႃႈမၼ်းတေယႃလႆႈႁႂ်ႈၸႂ်ၵႃႇမႁဝ်းယူမ်ႈယွမ်းၵႂႃႇဢိတ်းဢွတ်းၶႃႈၵႂႃႈ၊ သင်ဝႃႈၵိၼ်ၼႆ.
သေၸႂ်ၵႃႇမႁၢႆၵႂႃႇမူတ်းၼႆတႄႉ ဢမ်ႇတၢမ်ႈလူဝ်ႇၵျၢင်ႉလူဝ်ႇၵမ်သင်ယဝ်ႉဢိူဝ်ႈၼေႃႈ၊ ၽႂ်ၽႂ်ၵေႃႈ
ၵိၼ်ၼႆႉသေလႆႈမၢၵ်ႈလႆႈၽူဝ်ႇၵႂႃႇမူတ်းယဝ်ႉဢိူဝ်ႈၼေႃႈ....။
6။ သင်ဝႃႈလူမ်းၵူၼ်ႉၵူၼ်ႉၶိုၼ်ႈၶိုၼ်ႈပေႃႇမႃးၼႃႇၼႆၸိုင် ယႃႈယႃမၼ်းတႄႉ-----
ႁႂ်ႈၵိၼ်ပၼ်ၼမ်ႉမၢၵ်ႇၽႃႈၼႆၶႃႈယဝ်ႉ။
7။ သင်ဝႃႈၼွၼ်းဢမ်ႇလပ်းၼႆၸိုင် ယႃႈယႃမၼ်းတႄႉ----
ႁႂ်ႈၵိၼ်ပၼ်မွၵ်ႇၸလီၵူဝ်ႈၼႆၶႃႈယဝ်ႉ။
8။ ဢမ်ႇသၢင်ႇထုၵ်ႇသေသင်ဝႃႈလူမ်းထွင်းၵွင်းလင်ၼႃႇလႄႈပဵၼ်မႃးတၢင်းပဵၼ်သေၸိူဝ်ႉသေပိူင်
ၸိုင်ယႃႈယႃမၼ်းတႄႉ----
ႁႂ်ႈဢဝ်ၼမ်ႉထၢၼ်ဢၼ်ပဵၼ်ၵွၼ်ႈမၼ်းၼၼ်ႉၸေႈၼမ်ႉသေပေႃးမၼ်းၸိူမ်ႈယဝ်ႉၼႆႁႂ်ႈၵိၼ်ၼမ်ႉ
မၼ်းၼၼ်ႉၼႆၶႃႈယဝ်ႉ။
9။ သင်ဝႃႈလူမ်းထူဝ်းဢူၵ်းသေသမ်ႉပဵၼ်မႃးတၢင်းပဵၼ်သေၸိူဝ်ႉသေပိူင်ၸိုင်ယႃႈယႃမၼ်းတႄႉ----
ႁႂ်ႈဢဝ်လိၼ်လႅင်ၼၼ်ႉၸေႈၼမ်ႉသေၵိၼ်ၼမ်ႉမၼ်းၼၼ်ႉၼႆၶႃႈယဝ်ႉ။
10။ သင်ပဵၼ်တၢင်းပဵၼ်ယဵဝ်ႈၵႅၼ်း(ၵႅတ်း)ၼႆၸိုင်ယႃႈယႃမၼ်းတႄႉ---
ႁႂ်ႈၵိၼ်ပၼ်ၼမ်ႉၼဵင်ႈၼဝ်ႈၼႆၶႃႈယဝ်ႉ။
မၢႆတွင်း/ ဢၼ်ပဵၼ်တူဝ်ၼဵင်ႈဢၼ်ၵိုတ်းဝႆႉၼႂ်းငွႆးၼၼ်ႉသင်ဝႃႈမၼ်းၼဝ်ႈယဝ်ႉၼႆၶိုၼ်းသႂ်ႇလေႃး
ၼမ်ႉသေၵိၼ်ၼႆၶႃႈယဝ်ႉ။
ထႅင်ႈလၢႆးၼိုင်ႈသမ်ႉ-- လုၼ်ႈၽိုၼ်းမႆႉၵုတ်ႇဢၼ်ႁဝ်းဢဝ်တၢမ်ၾႆးၼၼ်ႉပေႃးဝႃႈမၼ်းၸမ်သုတ်း
ယဝ်ႉၼႆၸိုင်ဢဝ်ၼမ်ႉႁူတ်းယဝ်ႉလွၼ်ႈထွတ်ႇၶူဝ်းသေဢဝ်ၽႃႈမႆ(ဝႆ)သုမ်ႇႁုမ်းဢဝ်ဢၢႆမၼ်း
ၼၼ်ႉၼႆၶႃႈယဝ်ႉ။
ထႅင်ႈလၢႆးၼိုင်ႈသမ်ႉ-- ၵၢၼ်ႈဢိူင်ႈဢၼ်မီးၼႂ်းထိူၼ်ႇၼၼ်ႉပွၵ်ႇပႅတ်ႈပိူၵ်ႇမၼ်းသေၵဵဝ်ႉၵိၼ်ၸိူင်ႉ
ၼင်ႇႁဝ်းၵိၼ်ဢွႆႈၼၼ်ႉၼႆၶႃႈယဝ်ႉ။
11။ သင်ဢူၵ်းၸဵပ်းၼႆၸိုင်ယႃႈယႃမၼ်းတႄႉ--
ႁႂ်ႈဢဝ်မႂ်မၢၵ်ႇသၢင်းၽေႃးတူမ်ႈလႄႈၼမ်ႉထၢၼ်လေႃးၵၼ်သေၵိၼ်ၼႆၶႃႈယဝ်ႉ။
*ယႃႈၵႄႈလီ*
1။ ဢမ်ႇသၢင်ႇထုၵ်ႇသေၵိၼ်ၼမ်ႉလႄႈဢဝ်ၵႅၼ်ႉၼမ်ႉၵႂႃႇဢမ်ႇၼၼ်လူၺ်းၼမ်ႉလႄႈၵႅၼ်ႉၵႂႃႇၼႆၸိုင်
ယႃႈၵႄႈမၼ်းတႄႉ--
ႁႂ်ႈလေးလိၼ်ၼႆၶႃႈယဝ်ႉ။
2။ မၢင်ပွၵ်ႈမၢင်လႂ်မႃး ၽၵ်းထုၵ်ႇၸႂ်လီလႄႈ ၵိၼ်ၶဝ်ႈဢမ်ႇႁူႉတီႈဢိမ်ႇလႆႈသေပွၵ်ႈ သင်ဝႃႈပဵၼ်ၸိူင်ႉ
ၼင်ႇဝႃႈမႃးၼႆႉသေၵိၼ်ၶဝ်ႈၼမ်ပူၼ်ႉၵႂႃႇၸိုင် ယႃႈၵႄႈမၼ်းတႄႉ---
ႁႂ်ႈၵိၼ်ပႅတ်ႈၼမ်ႉထၢၼ်(ၵွၼ်ႈ)ၼႆၶႃႈယဝ်ႉ။
3။ သင်ဝႃႈၵိၼ်ၺႃးမၢၵ်ႇၽဵတ်း(ၽိတ်ႉ)ဢမ်ႇၼၼ်တင်ႈၸႂ်ၵိၼ်သေဢဝ်ၽဵတ်းပူၼ်ႉလိူဝ်ၵႂႃႇၼႆၸိုင်
ယႃႈၵႄႈမၼ်းတႄႉ---
ႁႂ်ႈႁူၼ်ဢဝ်ၼမ်ႉႁၢၵ်ႈမၢၵ်ႇပိတ်းပီႇလႅင်သေၵိၼ်ပၼ်ၼႆၶႃႈယဝ်ႉ။
ထႅင်ႈလၢႆးၼိုင်ႈသမ်ႉ---ႁႂ်ႈၵိၼ်ပၼ်ၵိူဝ်ၸဵမ်းၼႆၶႃႈယဝ်ႉ။
ထႅင်ႈလၢႆးၼိုင်ႈသမ်ႉ---ႁႂ်ႈဢဝ်ထၢၼ်ႇၾႆးႁၢင်ႈလိၼ်ႉႁဝ်းႁႂ်ႈမၼ်းပေႃးၼမ်ႉၵႃႉပေႃးဢွၵ်ႇၼႆၶႃႈယဝ်ႉ
ၼႆႉတႄႉယႃႇႁဵတ်းယဝ်ႉၶႃႈ ဢမ်ႇသၢင်ႇထုၵ်ႇၵူဝ်ဢဝ်ထၢၼ်ႇၾႆႈမႆႈလိၼ်ႉဢေႃႈ...။
4။ သင်ဝႃႈၵိၼ်မႅၼ်ႈဢၼ်သူမ်ႈၼမ်ပူၼ်ႉၵႂႃႇၼႆၸိုင်ယႃႈၵႄႈမၼ်းတႄႉ---
ႁႂ်ႈၵိၼ်ပၼ်ဢၼ်ၽဵတ်းၼႆၶႃႈယဝ်ႉ။
5။ သင်ဝႃႈၵိၼ်မႅၼ်ႈဢၼ်ဝၢၼ်ၼမ်ၼႃႇပူၼ်ႉၼႆသမ့်ယႃႈၵႄႈမၼ်းတႄႉ---
ႁႂ်ႈၵိၼ်ပၼ်ဢၼ်ၸဵမ်းၼႆၶႃႈယဝ်ႉ။
6။ သင်ဝႃႈၵိၼ်မႅၼ်ႈဢၼ်ၶူမ်ၼမ်ၼႃႇပူၼ်ႉၼႆၸိုင် ယႃႈၵႄႈမၼ်းတႄႉ---
ႁႂ်ႈၵိၼ်ပၼ်ဢၼ်ၽၢတ်ႇၼႆၶႃႈယဝ်ႉ။
7။ သင်ဝႃႈပဵၼ်ၵႂ်ႈပဵၼ်ၽေႃးၼႆၸိုင် ယႃႈၵႄႈမၼ်းတႄႉ---
ႁႂ်ႈဢဝ်ယႃႈၼၢမ်ႁွမ်လႄႈမၼ်းႁူဝ်ႁဵဝ်ၸင်ႈႁႂ်ႈၼမ်ႉၼၵ်းမၼ်းတၢၼ်ႇၵၼ်သေတူမ်ႈဢဝ်ၼမ်ႉ
မၼ်းသေၵႆႉၵႆႉဢၢပ်ႇပၼ်ၼႆၶႃႈယဝ်ႉ။
8။ သင်ဝႃႈပဵၼ်ပၢင်း(ၵႅၼ်ႇသႃႇ)ၼႆၸိုင် ယႃႈယႃမၼ်းတႄႉ---
ႁႂ်ႈဢဝ်(ၵ)ၽၵ်းပိင်ႈလႅင်(ၶ)မႂ်မၢၵ်ႇလၢင်း(င)မႂ်မႆႉၶမ်ႉ(ၸ)ယႃႈတွႆႇႁုမ်ႇ(သ)ၸလိူမ်းၸိူဝ်းႁႃႈ
ဢၼ်ၼႆႉဢဝ်လေႃးၵၼ်သေတူမ်ႈပေႃးမၼ်းမႆႈမႃးဢွၵ်ႇဢၢႆမႃးယဝ်ႉၼႆႁႂ်ႈၵႆႉၵႆႉဢွမ်ႇပၼ်ၼႆၶႃႈ
ယဝ်ႉ။
(ဢမ်ႇႁၢႆတႄႉတႄႉၵေႃႈ မၼ်းတေၶႅၼ်ႈယူႇဢိတ်းၼိုင်ႈ)
9။ ၼၢင်းယိင်းၶဝ်ၸိူဝ်းတိုၵ်ႉႁႃလဵင်ႉလုၵ်ႈသေၼမ်ႉၼူမ်းဢမ်ႇဢွၵ်ႇၼၼ်ႉ ယႃႈယႃမၼ်းတႄႉ---
ႁႂ်ႈဢဝ်မၢၵ်ႇႁုမ်ႁႆၽဝ်ၾႆးသေၵိၼ်ၼႆၶႃႈယဝ်ႉ။
10။ သင်ဝႃႈႁဝ်းပႆၶၢဝ်းတၢင်းယၢဝ်း(ၵႆ)ၼႆၸိုင်ဢမ်ႇသၢင်ႇထုၵ်ႇမၢင်ပွၵ်ႈမႃႈဢူင်ႈတိၼ်ၼႆႉၵႆႉၸဵပ်းယဝ်ႉ
ပေႃးဝႃႈၵူဝ်ပဵၼ်ၼၼ်ၸိုင် ယႃႈၵႄႈမၼ်းတႄႉ---
ႁႂ်ႈဢဝ်သႃးၸေးဢၼ်ပိူၼ်ႈသႂ်ႇလေႃးပူႉသေၵိၼ်ၼၼ်ႉတႃးတီႈဢူင်ႈတိၼ်ႁဝ်းသေၸင်ႇပႆတၢင်း
ၼႆၶႃႈယဝ်ႉ၊ တေဢမ်ႇပဵၼ်သင်ၼႆၶႃႈဢေႃႈ.....။
11။ မၢင်ပွၵ်ႈမၢင်လႂ်မႃးၵႆႉၸၢင်ႈပဵၼ်ႁူဝ်ၶႆႈလိပ်း/ႁူဝ်ၶႆႈၽၢၵ်ႇလဵဝ်ယူႇ၊ ပေႃးပဵၼ်မႃးၸိူင်ႉၼၼ်ၸိုင်
ယႃႈၵႄႈမၼ်းတႄႉ---
ႁႂ်ႈဢဝ်မၢၵ်ႇၸိုၵ်ႉႁူၼ်လေႃးတင်းၼမ်ႉမၢၵ်ႇဢုၼ်(ပၢဝ်ႉ)သေတႃးတီႈၸိၵ်းႁူဝ်ႁဝ်းၼၼ်ႉၼႆၶႃႈ
ယဝ်ႉ။
ထႅင်ႈလၢႆးၼိုင်ႈသမ်ႉ--ႁႂ်ႈဢဝ်မွၼ်ႁူဝ်ဢၼ်ၸဝ်ႈၵဝ်ႇမွၼ်ႇၼွၼ်းယူႇသေႇသေႇၼၼ်ႉတၢၵ်ႇလႅတ်ႇ
သေပေႃးမၼ်းမႆႈယဝ်ႉၼႆဢဝ်ၶွၼ်ႉပေႃႉပႅတ်ႈသေၸင်ႇၶိုၼ်းဢဝ်မႃးမွၼ်ၼွၼ်းၼႆၶႃႈယဝ်ႉ။
12။ ၵူၼ်းႁဝ်းၵမ်ႈၽွင်ႈဢမ်ႇဝႃႈၽႂ်လႂ် မၢင်ပွၵ်ႈမၢင်လီမႃႈၼႆ ဢၢႆတူဝ်ဢၢႆၶိင်ႈႁဝ်းၼႆႉၵႆႉၵႆႉၸၢင်ႈမဵၼ်
ယူႇယဝ်ႉ၊ ယဝ်ႉၵေႃႈသင်ဝႃႈႁိူဝ်ႇဢွၵ်ႇယဝ်ႉသေဝၢႆးသေႁိူဝ်ႇၸူမ်ၵႂႃႇၶိုၼ်းၼၼ်ႉသင်ဝႃႈၵတ်းလၢင်ႈ
ဝႆႉၼႆၸိုင် ယႃႈၵႄႈမၼ်းတႄႉ--
ႁႂ်ႈၵိၼ်ပၼ်ၽွင်မိၼ်ႉလိူင်ဢၼ်ပိူၼ်ႈသႂ်ႇလေႃးၽၵ်းၼၼ်ႉၼိုင်ႈဝၼ်းၼိုင်ႈၸေႃႉၼႆၶႃႈယဝ်ႉ။
တေလွတ်ႈတၢင်းပဵၼ် ဢၢႆတူဝ်ဢၢႆၶိင်းမိၼ်ၼၼ်ႉယူႇၼႆဢေႃႈ...။
13။ မၢင်ပွၵ်ႈမၢင်လႂ်ၽွင်းမိူဝ်ႈႁဝ်းၼွၼ်းဝၼ်းလႂ်ၸိူဝ်းၼႆႉသင်ဝႃႈတီႈႁဝ်းၼွၼ်းၼၼ်ႉပဵၼ်တီႈမႆႈၼႆၵႆႉ
ၵႆႉၸၢင်ႈပဵၼ်လၢင်ႇၶႃႈယဝ်ႉ။ သင်ဝႃႈပဵၼ်လၢင်ႇမႃးၼႆၸိုင် ယႃႈယႃမၼ်းတႄႉ---
ႁႂ်ႈဢဝ်ႁၢၵ်ႈႁူဝ်ၶႃႇလႄႈတင်းၼမ်ႉၶဝ်ႈဢူၼ်(ဢၼ်ႁဝ်းႁုင်သေၽိမ်းဝႆႉၼၼ်ႉ)လေႃးၵၼ်သေ
တႃးပၼ်ၼႆၶႃႈယဝ်ႉ။ ဢမ်ႇလိူတ်ႇဢမ်ႇမႆႈသင်သေတၵ်းတေၶႅၼ်းမႃးယူႇၼႆၶႃႈဢေႃႈ....။
ထႅင်ႈလၢႆးၼိုင်ႈသမ်ႉ--- ၽွင်းမိူဝ်ႈႁဝ်းဢၢပ်ႇၼမ်ႉၼၼ်ႉမိူဝ်ႈလႂ်သေဢမ်ႇဝႃႈယႃႇပေသီၵွၼ်ႈသီ
ၼႆၶႃႈယဝ်ႉ။ ဢမ်ႇပေႃးႁိုင်လၢင်ႇၼၼ်ႉတေႁၢႆၵႂႃႇလွႆးလွႆးယူႇၼႆဢေႃႈ....။
14။ မၢင်ပွၵ်ႈမၢင်လႂ်မႃး ဝၢႆးသေၵိၼ်ၶဝ်ႈယဝ်ႉၸိူဝ်းၼႆႉၵႆႉၵႆႉပဵၼ်သီႇဢိူဝ်ႉယူႇ။ သင်ပဵၼ်ယူဝ်းယူဝ်း
ၵူၺ်းတႄႉၵၼ်ႈၸႂ်သေၵိၼ်ၼမ်ႉပႅတ်ႈမွၵ်ႈၵွၵ်းၼိုင်ႈၵူၺ်းၵေႃႈမၼ်းႁၢႆယူႇ။ ဢမ်ႇၼၼ်ၵူၼ်းသေ
ၵေႃႉၵေႃႉဢဵၵ်းပၼ်/ယွၵ်ႇပၼ်ၽွင်ႈမိူဝ်ႈႁဝ်းတိုၵ်ႉလိုမ်းတူဝ်လိုမ်းၶိၼ်းယူႇၼၼ်ႉႁဵတ်းႁႂ်ႈတူၵ်းၸႂ်
ၸႂ်ပိူင်ၵႂႃႇၸူဝ်ၵႅပ်ႉၵမ်းၼႆၵေႃႈ မၼ်းၸၢင်ႈႁၢႆယူႇ။
သင်ဝႃႈပဵၼ်ယူႇၶိုၼ်းၶိုၼ်းဝၼ်းဝၼ်းဢမ်ႇမေႃႁၢႆၼႆၸိုင် ယႃႈယႃမၼ်းတႄႉ---
ႁႂ်ႈဢဝ်ယွတ်ႈၽၵ်းသမ်ႈၶွၼ်မွၵ်ႈသေသၢမ်ဝၢၼ်ႇယိုဝ်ႉ(ဝၢၼ်ႇၼမ်ႉၼဵင်ႈ)၊ သမ်ႉတၵ်း
ဢဝ်ၼမ်ႉလိပ်းတႃႇသေဝၢၼ်ႇၼမ်ႉယိုဝ်ႉၼိုင်ႈဝေတူမ်ႈလေႃးၵၼ်ႁႂ်ႈၼမ်ႉမၼ်းၵိုတ်းဝႆႉမွၵ်ႈ
ၼိုင်ႈဝၢၼ်ႇၼမ်ႉယိုဝ်ႉဝႆႉႁႂ်ႈၵတ်းသေ ၵႆႉၵႆႉၵိၼ်ပၼ်ၼႆၶႃႈယဝ်ႉ။ ဢမ်ႇႁိုင်ၵႃႈႁိုဝ်တေၶႅၼ်းမႃး
ယူႇၼႆၶႃႈဢေႃႈ....။
ၼမ်ႉယမ်ယႂ်ၼမ်တၢင်းသဵင်ႈသေ
ၸဝ်ႈဢႃႇတိတ်ႉၸ(ၼမ်ႉတိုင်းၶဵဝ်)
