ပလွၵ်ႉႁဝ်းေၵႃႈဢမ်ႇလႆႈတၢင်ႇသင်ႁိုင်ယဝ်
မိူဝ်ႈတႅမ်ႈၼ်ႂးမိုဝ်းထိုဝ်ေၵႃႈဢမ်ႇႁၼ်တူဝ်မၼ်းသင်

ယႃႈယႃပႄႉတူၵ်းထွင်ႇ

          ပႃႈၶမ်းထွၼ်းၵေႃႉၼိုင်ႈတွင်ႉဢမ်ႇပေႃးလီၼႆလႄႈမၼ်းၸင်ႇၵႂႃႇသိုဝ်ႉယႃႈယႃတီႈ
လၢၼ်ႉယႃႈယႃတီႈၼိုင်ႈ။
         "လၢၼ်ၸၢႆး လၢၼ်ၸၢႆး ၸွင်ႇမီးယႃႈယႃပႄႉတူၵ်းထွင်ႇယူႇႁႃႉ?"
         "ဢိုဝ်း....ယႃႈယႃပႄႉတူၵ်းထွင်ႇၼႆႉၶႃႈဢမ်ႇယၢမ်ႈငိၼ်းသေပွၵ်ႈ ပႃႈႁဝ်းသမ်ႉပဵၼ်
သင်ၶႃႈလႃႇ?"
        "ဢိူဝ်ႈ....တွင်ႉဢမ်ႇပေႃးလီလႄႈ"
        "ဢေႃႈ...ပေႃးတွင်ႉဢမ်ႇဢမ်ႇပေႃးလီတႄႉ ၵိၼ်တူၺ်းယႃႈၵႄႈလႅတ်းၼႆႉၶႃႈလႄႈ 
ယႃႈယႃပိတ်ႉတၢႆင်းထွင်ႇၼႆႉၵေႃႈလႆႈၶႃႈဢေႃႈ"
        ၽိူဝ်ႇမၼ်းႁၼ်ယႃႈယႃဢၼ်မၼ်းၶႂ်ႈလႆႈယဝ်ႉၼၼ်ႉ
       "ဢိူဝ်ႈ...ဢိူဝ်ႈ....ဢၼ်ၼႆႉဢိူဝ်ႈ ပႃႈႁဝ်းထၢမ်မိူဝ်ႈၵႆႈ" 
        ၼႆသေၸင်ႇၸိၼႄထူင်ယႃႈယႃပိတ်ႉတၢႆင်းထွင်ႇၼၼ်ႉယဝ်ႉ။
       "ဢေႃႈ....ၸိူင်ႉၼႆၶႃႈႁႃႉ? ၼႆႉပိူၼ်ႈဢမ်ႇႁွင်ႉဝႃႈ ပႄႉတူၵ်းထွင်ႇပိူၼ်ႈဝႃႈ ပိတ်ႉ
တၢႆင်းထွင်ႇ ၼႆၶႃႈဝႃႇ"
       "ဢေႃ....ဝႃႈၼၼ်ႁႃႉ? ၵဝ်ၵေႃႈဢမ်ႇႁူႉယိုင် ၵဝ်ယၢမ်ႈငိၼ်းပိူၼ်ႈလၢတ်ႈၸိူင်ႉၼင်ႇဝႃႈ
ပႄႉတူၵ်းထွင်ႇၼႆၼႃႇ"
       "ဢိူဝ်ႈ..ဢိူဝ်ႈ...ပေႃးၼၼ်တေဢဝ်ဢၼ်ၼႆႉဢိူဝ်ႈ"
       "ဢေႃႈ....ဢေႃႈ...."

                                                                                                 ၸဝ်ႈဢႃႇတိတ်ႉၸ
                                                                                                   (ၼမ်ႉတိုင်းၶဵဝ်)
                                                                                                     7.4.2014

ၵူဝ်ဢမ်ႇဢွၵ်ႇၵွၼ်း

                ပႃႈသႅင်ၵေႃႉၼိုင်ႈႁၼ်လုၵ်ႈၸၢႆးဢွၼ်ႇမၼ်း ၼင်ႈလုတ်ႈလႅၼ်းယႃႈယူႇတီႈႁူဝ်မုၵ်ႉၽီးၽႆး
ၼၼ်ႉလႄႈ ၸင်ႇတူၵ်းၸႂ်လူင်လၢင်သေဝႃႈ-
 "ဢလူဝ်....တၢႆ...လႃႈၽြႃးလူင်ပဵၼ်ၸဝ်ႈ လုၵ်ႈၸၢႆးဢိူၺ် လုၵ်ႈၸၢႆးၵဝ်ယင်းတိုၵ်ႉၵေႃႉလဵၵ်ႉယူႇပဵၼ်
 သင်လႄႈသမ်ႉမႃးလုတ်ႇလႅၼ်းယႃႈသေပဵၼ်တႄႉပဵၼ်ဝႃႈယူႇလႃႇမႄႈ...." ၼႆလႄႈ
                လုၵ်ႈၸၢႆးဢွၼ်ႇမၼ်းၵေႃႈၸင်ႇၶိုၼ်းတွပ်ႇဝႃႈ
   "ဢေႃႈ....မိူဝ်ႈဝႃး လုၵ်ႈၸၢႆးလႆႈၵႂႃႇလႄႇတင်းႁိူၼ်းလုင်းသုၶဝ်ၼၼ်ႉ လႆႈငိၼ်းလုင်းသုပွင်ႉႁင်းပီႈ
ထုၼ်းၼၼ်ႉဝႃႈ
  "လုၵ်ႈၸၢႆးၵဝ်ဢၢႆႈထုၼ်းၼႆႉၵေႃႈဢမ်ႇလႆႈလွင်ႈဢမ်ႇလႆႈတႃသင်ယူဝ်းၼႆႉ  ၵုမ်ႇၵႃႈၵိၼ်လဝ်ႈသေ
  မဝ်းယူႇတႃႇသေႇၵူၺ်း ယင်းပႆႇယႂ်ႇၵႃႈႁိုဝ် ယႂ်ႇမႃးၵေႃႈဢမ်ႇဢွၵ်ႇၵွၼ်းသင်  ယူဝ်ႉၼႆႉ ၼႆလႄႈ
  လုၵ်ႈၸၢႆးၵေႃႈၸင်ႇလႆႈမႃးၽိုၵ်းဢွၵ်ႇၵွၼ်းတူၺ်းဢေႃႈမႄႈ"
               "တၢႆ....လႃႈၽြႃးလူင်ပဵၼ်ၸဝ်ႈ...."

                                                                                             ၼပ်ႉယမ်ယႂ်ႇၼမ်သေ
                                                                                             ၸဝ်ႈဢႃႇတိတ်ႉၸ
                                                                                             (ၼွင်ၶဵဝ်)
                                                                                             28.2.2014

ယႃႈၵႄႈလီ

                                                        * ယႃႈၵႄႈလီ *

  1။ ဢမ်ႇသၢင်ႇထုၵ်ႇသေၵိၼ်ၼမ်ႉလႄႈဢဝ်ၵႅၼ်ႉၼမ်ႉၵႂႃႇဢမ်ႇၼၼ်လူၺ်းၼမ်ႉလႄႈၵႅၼ်ႉၵႂႃႇၼႆၸိုင်
      ယႃႈၵႄႈမၼ်းတႄႉ--
      ႁႂ်ႈလေးလိၼ်ၼႆၶႃႈယဝ်ႉ။

 2။ မၢင်ပွၵ်ႈမၢင်လႂ်မႃး ၽၵ်းထုၵ်ႇၸႂ်လီလႄႈ ၵိၼ်ၶဝ်ႈဢမ်ႇႁူႉတီႈဢိမ်ႇလႆႈသေပွၵ်ႈ သင်ဝႃႈပဵၼ်ၸိူင်ႉ
      ၼင်ႇဝႃႈမႃးၼႆႉသေၵိၼ်ၶဝ်ႈၼမ်ပူၼ်ႉၵႂႃႇၸိုင် ယႃႈၵႄႈမၼ်းတႄႉ---
      ႁႂ်ႈၵိၼ်ပႅတ်ႈၼမ်ႉထၢၼ်(ၵွၼ်ႈ)ၼႆၶႃႈယဝ်ႉ။

 3။ သင်ဝႃႈၵိၼ်ၺႃးမၢၵ်ႇၽဵတ်း(ၽိတ်ႉ)ဢမ်ႇၼၼ်တင်ႈၸႂ်ၵိၼ်သေဢဝ်ၽဵတ်းပူၼ်ႉလိူဝ်ၵႂႃႇၼႆၸိုင်
     ယႃႈၵႄႈမၼ်းတႄႉ---
     ႁႂ်ႈႁူၼ်ဢဝ်ၼမ်ႉႁၢၵ်ႈမၢၵ်ႇပိတ်းပီႇလႅင်သေၵိၼ်ပၼ်ၼႆၶႃႈယဝ်ႉ။
     ထႅင်ႈလၢႆးၼိုင်ႈသမ်ႉ---ႁႂ်ႈၵိၼ်ပၼ်ၵိူဝ်ၸဵမ်းၼႆၶႃႈယဝ်ႉ။
     ထႅင်ႈလၢႆးၼိုင်ႈသမ်ႉ---ႁႂ်ႈဢဝ်ထၢၼ်ႇၾႆးႁၢင်ႈလိၼ်ႉႁဝ်းႁႂ်ႈမၼ်းပေႃးၼမ်ႉၵႃႉပေႃးဢွၵ်ႇၼႆၶႃႈယဝ်ႉ
     ၼႆႉတႄႉယႃႇႁဵတ်းယဝ်ႉၶႃႈ ဢမ်ႇသၢင်ႇထုၵ်ႇၵူဝ်ဢဝ်ထၢၼ်ႇၾႆႈမႆႈလိၼ်ႉဢေႃႈ...။

ၸၼ်ဢဝ်လႆႈသွမ်ႉဝႄးတၢင်းၼမ်ၶႃႈ