- လွၼ်ႉမွၼ်းသွၼ်ပွၼ်ႈ-တွၼ်ႈထိုင်ၵေႃႉၵဝ် -
ၵေႃႉ .....
ပိၵ်ႉသမ်ႉဝႃႈ ၵူၼ်းၵျၢမ်ႇႁၢႆႉတီႈႁဝ်းၼၼ်ႉ
ၼမ်တၢၼ်ႇႁိုဝ်ၵေႃႈယဝ်ႉ၊
ၵၢမ်ႇၵျၢမ်ႇမႃႇႁဝ်းၼၼ်ႉ တေတႅပ်းတတ်းပၼ်ၵူၺ်းၼႆဝႃႇ....
ၵွပ်ႈၼႆ-
ႁဝ်းလူဝ်ႇဝႆႉၸႂ်ႁတ်းႁတ်းႁၢၼ်ႁၢၼ်သေ
တေႃႇသူႈၵႂႃႇၵူၺ်း ၼႆဢိူဝ်ႈ....။
ၵေႃႉ .....
"ငိုၼ်း"ဢၼ်လႆႈမႃးငၢႆႈငၢႆႈလူမ်လူမ်ၼၼ်ႉ
မၼ်းၼမ်ယူႇသေတႃႉၵေႃႈ
ၵႃႈၶၼ်မၼ်းဢေႇၼႃႇ
ၸၢႆႇၵမ်းၼိုင်ႈၵူၺ်းၵေႃႈ
မူတ်းပိတ်းၵႂႃႇၶိုၼ်းယဝ်ႉ၊
"ငိုၼ်း"ဢၼ်လႆးမႃး ယၢပ်ႇယၢပ်ႇၽိုတ်ႇၽိုတ်ႇၼၼ်ႉသမ်ႉ
ပိၵ်ႉသမ်ႉမီးဢိတ်းဢိတ်းၵူၺ်းၵေႃႈ
မၼ်းမီးၵႃႈၶၼ်ယႂ်ႇၼႃႇ
ၼၢၼ်းၵေႃႈၼၢၼ်းမူတ်းဢိူဝ်ႈ....ၼႆဝႃႇ....။
ၵေႃႉ....
လွင်ႈႁူႉတၢင်းႁၼ်ဢၼ်ႁဝ်းလီႁူႉလီမေႃၼၼ်ႉ
မၼ်းၵႂၢင်ႈၶႂၢင်ႇၼႃႇ လိူဝ်သေပုတ်ႉထၸဝ်ႈယဝ်ႉ
ဢမ်ႇမီးၽူႈလႂ်ၽႂ်ဢၼ်ႁူႉလႆႈသဵင်ႈ၊
မၢင်ၵေႃႉၼႆႉ ႁႃလဵပ်ႈႁဵၼ်း
ပေႃးသုတ်းၸူဝ်ႈသုတ်းပၢၼ်မၼ်းၵေႃႈ
ယင်းပႆႇႁူႉလႆႈသဵင်ႈၵွၼ်ႇၼႆဢိူဝ်ႈ...။
ႁဝ်းသမ်ႉထိုင်တီႈဢမ်ႇႁူႉလႆႈသဵင်ႈၵေႃႈ
ဢၼ်ႁဝ်းႁူ့လႆႈၸိူဝ်းၼၼ်ႉ
ယႃႇႁႂ်ႈမၼ်းဢေႇၵူၺ်းလႃႈ...ၼႆဝႃႇ...။