ဢမ်ႇပေႃးသူႈထုၵ်ႇမေႃၶေႃးၵႂၢမ်း ၵၼ်ၵႆႉၵႆႉၽိတ်းၽႅၵ်ႇဢူၼ်ဢၢၼ်မေႃးမႄးၵၼ်တႃႇသေႇယဝ်ႉ။
မီးၶမ်ႈၼိုင်ႈသွင်ၶႃႈလႆႈၽိတ်းၽႅၵ်ႇၵၼ်တင်းႁိုင် တင်းႁီး ၽႂ်ၵေႃႈဢမ်ႇမႃးၶႄသွင်ၶႃ ၵွပ်ႈပိူဝ်ႈသွင်ၶႃ ၵႆႉၽိတ်း ၵၼ်ယူႇၵူႈတႃႇသေႇလႄႈ ဢဝ်ပဵၼ်လွင်ႈလဵၵ်ႉၼွႆႉပႅတ်ႈ တွၼ်ႈ တႃႇၵူၼ်း
ယူႇႁိမ်းၵိၼ်ၸမ်သွင်ၶႃယဝ်ႉ။
ႁဵတ်းၼၼ်သေ ၽႂ်ၵေႃႈၸႂ်လမ်ႁင်းၽႂ်ႁင်းမၼ်းလႄႈ ၵေႃႉပဵၼ်ပႃႈၼၢင်းၼၼ်ႉ ၸင်ႇ
ပႃးတင်းၵၢၼ်ၾႆးသေဢွၵ်ႇႁိူၼ်း ၵႂႃႇပႅတ်ႈယဝ်ႉ။
မိူဝ်ႈမၼ်းၵႂႃႇထိုင်တီႈ ၵၢင်ၵျူႇ(ၵၢင်ဝၢၼ်ႈ) တီႈၼိုင်ႈ ၼၼ်ႉမၼ်းၸင်ႇၵႂႃႇထူပ်းၺႃး
လၢၼ်ၸၢႆးဢွၼ်ႇမၼ်းဢၼ်တိုၵ်ႉ ၸုင်ၵႂၢႆး မႃးၼၼ်ႉယူႇလႄႈ လၢၼ်ၸၢႆးမၼ်းၸင်ႇထၢမ်ပႃႈၼၢင်း
ဝႃႈ-
“ပႃႈ…ပႃႈ…ပႃႈႁဝ်းတေၵႂႃႇလႂ်လႃႇၼၼ်ႉ ၵၢင်ၶမ်ႈ ၸိူင်ႉၼႆ” ၼႆလႄႈ
မၼ်းၵေႃႈတင်းၸႂ်လမ်သေ တွပ်ႇပၼ်လၢၼ်ၸၢႆးမၼ်းၵႂႃႇဝႃႈ
“ၵႂႃႇႁႃတၢႆဢိူဝ်ႈ” ၼႆယဝ်ႉ၊
လၢၼ်ၸၢႆးမၼ်းၸင်ႇၶိုၼ်းထၢမ်ဝႃႈ-
“ၵႂႃႇႁႃတၢႆၸိုင်သမ်ႉပႃးတင်းၵၢၼ်ၾႆးလူင်သေလႃႇ?” ၼႆလႄႈ
“မၼ်းၸင်ႇၶိုၼ်းတွပ်ႇဝႃႈ ၵဝ်ၵူဝ်ငူးသၵ်းၵဝ်ယိုင်” ၼႆယဝ်ႉ၊
ၽူဝ်မၼ်းလုင်းၸၢႆးၼၼ်ႉၵေႃႈၸႂ်လမ်ၼႃႇသေ မၼ်းဝႃႈ
“ၵဝ်တေၵၼ်;ၸႂ်တၢႆပႅတ်ႈၵႂႃႈ” ၼႆသေ
ၵၼ်ၸႂ်ႁဵတ်းၵဵင်ႈတၢႆပႅတ်ႈယဝ်ႉ။
ၽိူဝ်ႇၵူၼ်းဝၢၼ်ႈၶဝ်မႃးတူၺ်းမၼ်း မိူၼ်ၼင်ႇတၢႆယဝ်ႉၼၼ်ႉ ၶဝ်ၸင်ႇၵျဵၼ်သၢတ်ႇ
သေဢွၼ်ၵၼ် ႁၢမ်ၵႂႃႇဢၢင်ႈတေၵႂႃႇၽင်ၼႆ ယဝ်ႉ၊ မိူဝ်ႈၶဝ်ႁၢမ်ၵႂႃႇထိုင်ပွတ်းတၢင်းၼၼ်ႉတၢင်း
သမ်ႉမိုၼ်ႈဝႆႉ တၢၼ်ႇတၢၼ်ႇလႄႈ ဢၢႆႈၵေႃႉဢၼ်ႁၢမ်တၢင်းၼႃႈၼၼ်ႉသမ်ႉပ လၢတ်ႈလႄႈ လုင်း
ၸၢႆးဢၼ်မီးၼႂ်းၵျဵတ်ႇၼၼ်ႉ ၸင်ႇႁွင်ႉဝႃႈ-
“ဢိူၺ်း….ႁၢမ်ၵႂႃႇလီလီလႄႈ ၵမ်ႉမႃးသူတေဢဝ် ၵဝ်တူၵ်း ယဝ်ႉ” ၼႆလႄႈ
ၵူၼ်းဢၼ်ႁၢမ်မၼ်းၵႂႃႇၼၼ်ႉတူၵ်းၸႂ်လႄႈ ပွႆႇပႅတ်ႈ သေဢွၼ်ၵၼ်လႅၼ်ႈပၢႆႈပႅတ်ႈႁင်းၽႂ်ႁင်း
မၼ်းယဝ်ႉ….။
ၼပ်ႉယမ်ယႂ်ၼမ်သေ
ၸဝ်ႈဢႃႇတိတ်ႉၸ(ၼမ်ႉတိုင်းၶဵဝ်)
22.9.2013 10-37 ၵၢင်ၼႂ်။
